"प्रेम" : तुझे - माझे

 
प्रेम म्हणजे काय ?
    खरोखर ... प्रेम म्हणजे काय ?

तुझे माझे अचानक भेटणे
    की एकमेकांच्या नजरेत हरवून जाणे..
माझे हळूवार लाजणे
    की तुझे गडबडून जाणे..
माझे शांत गाणे,
    की तुझे शब्द जोडणे..
माझे छान दिसणे,
    की तुझे आकर्षक असणे..
माझे चंचल मन,
    की तुझे संथ हृदय..
माझे हलकेच हसणे,
    की तुझे माझ्यात गुंतणे..
तुझे स्पर्श करणे,
   की माझे मोहरून जाणे..
दूर असताना मला तुझी आठवण येणे,
    की माझे नेहमीच तुझ्या सोबत असणे..
तुझे मला चिडवणे,
    की माझे उगाच रागवणे..
तू दुसरीला बघितल्यावर माझे जळणे,
     की माझे दुस-याशी बोलणेही तुला सहन न होणे..
भेटल्यावर तुला वेळेचे भान नसणे,
    की मला लवकर घरी जाण्याची ओढ लागणे..
भांडण झाल्यावर माझे उदास होणे,
   की तुझे सतत बेचैन असणे..
आपण कधी मित्रमैत्रिण असणे,
    की कधी त्याहून जास्त काहीतरी वाटणे..
हे खरोखर प्रेम आहे ,
    की मैत्री ,
       की फक्त आकर्षण !!!!!
                                       - GanuVidya

खरं प्रेम म्हणजे.....

खरं प्रेम म्हणजे दोघांनी प्रत्येक परिस्थितीला धैर्याने तोंड देणे.
खरं प्रेम म्हणजे दोघांचा एकमेकांवर विश्वास असणे.
खरं प्रेम म्हणजे दोघांची एकमेकांवर निष्ठा असणे.
खरं प्रेम म्हणजे दु:खात एकमेकांच्या सोबत असणे.
खरं प्रेम म्हणजे सुखात एकमेकांना आनंद देणे.
खरं प्रेम म्हणजे तडजोड करण्याची तयारी असणं.
खरं प्रेम म्हणजे एकमेकांच्या गुणांना जपणे.
खरं प्रेम म्हणजे दुखावलेली मने परत जोडणे.
खरं प्रेम म्हणजे भांडण करुन परत जवळ येणे.
खरं प्रेम म्हणजे एकही शब्द न उच्चारता भावना पोहोचणं.
खरं प्रेम म्हणजे डोळ्यात फक्त आनंदाश्रु असणं.
खरं प्रेम म्हणजे एकमेकानां सांभाळणे.
खरं प्रेम म्हणजे चुकत चुकत शहाणे होणे.
खरं प्रेम म्हणजे शेवटच्या श्वासापर्यंत सोबत असणे.
खरं प्रेम म्हणजे प्रेमबरोबर प्रमाणिक असणे.
खरं प्रेम म्हणजे … तू अणि मी, कायम जवळ असणे..!!

आज म्हणे ती दिवसभर देवळात होती

मी तिच्यात नव्हतो पण ती माझ्यात होती

तीची नव्हती कधी पण माझी साथ होती

मी आजवर कदीलांच्या उजेडात जगलो

ती चमकणा-या ता-यांच्या प्रकाशात होती

तीचा प्रवास होता मोठ्या महामार्गावरचा

माझी ती बिचारी लहान पायवाट होती

तिच्या स्वप्नांना दोरखडं जखडलेले नेहमी

माझी कधीही सुटणारी निसरति गाठ होती

तीच सुखांशी नेहमी अजोड नातं गुफ़लेल

माझ्या वाट्याला दुःखंच भरमसाठ होती.

नेहमी साखर झोपेची तिची पहाट रोजची

मी डोळे मिटले नाही माझी सदा पहाट होती.

तिच्या ओठी नेहमी हसु उमलायच सुखाच

माझ्या डोळ्यानां नेहमी आसवांची साथ होती

तिने कधी हात जोडले नाहीत कशासाठी देवापुढे

तीच्यासाठी देवळात नेहमी माझीच वरात होती

आज म्हणतेय मी चुकली पण काय फ़ायदा

खरच फ़ार उशीरा तीची ही साद होती.

मी स्मशांन वाटेवर असताना तिला कळाल

आज म्हणे ती दिवसभर देवळात होती

आज म्हणे ती दिवसभर देवळात होती........

-Tush-R

प्रेम करावं कुणासारखं

प्रेम करावं पॄथ्विसारखं

सुर्याभोवतीच घुट्मळत राहणारं

ग्रहणे जरी लागली सुर्याला

तरी त्यांनाही माफ़ करणारं

प्रेम करावं पानांसारखं

फ़ांदीवरच खिदळत राहणारं

झाली जरी पड्झड तरी

पुन्हा फ़ांदीवरच येणारं

प्रेम करावं माशासारखं

पाण्याशीच एकरुप होणारं

झाला जर विरह तर

जीवनालाच झोकुन देणारं

प्रेम करावं मुळांसारखं

मातीलाच धरुन राहणारं

अनेक वादळं आली तरी

तिच्यातलं सत्वच शोधणारं

अरे....प्रेम करावं माझ्यासारखं

तिच्यासाठीच कविता लिहिणारं

तिने वाचल्या नाहीत तरी

शाई फ़ुकट घालवणारं .....